rehber Logo

ملک بھر میں شدید ٹھنڈ کی لہر جاری ہے اور  ہنزہ میں پارہ منفی 20 ڈگری تک پہنچ گیا۔ ہنزہ میں کم سے کم منفی 20 ڈگری ریکارڈ کیا گیا، اتوار کی صبح سویرےکوئٹہ میں کم سے کم درجہ حرارت منفی ایک ریکارڈ کیا گیا۔اس کے علاوہ اسلام آباد میں 2 ڈگری، لاہور میں 3، پشاور میں 4 اور کراچی میں 7 ڈگری ریکارڈ کیا گیا۔گلگت بلتستان کے علاقوں ہنزہ اور استور کے بالائی علاقوں میں خون جماتی سردی ہے جس کے باعث نظامِ زندگی متاثر ہورہا ہے۔

وزیر تعلیم سندھ نے سردی کے باعث  اسکولوں میں آمد کے اوقات کار تبدیل کردیئے،  سرکاری اور نجی سکول صبح 9 بجے کھولے جائیں گے۔نوٹیفکیشن میں کہا گیا ہےکہ فیصلے کا اطلاق پیر سے 26 جنوری تک رہےگا۔

پنجاب میں بھی تعلیمی اداروں کی تعطیلات میں توسیع کا فیصلہ کیا گیا ہے، ترجمان وزارت تعلیم پنجاب نے کہا ہےکہ عوام سے مشاورت کے بعد اب تعلیمی ادارے 19 جنوری سے کھلیں گے۔