بہاولنگر میں سی سی ڈی سے مبینہ مقابلے میں ایک ڈاکو ہلاک، 2 فرار
بہاولنگر میں مہاروالی روڈ پر سی سی ڈی سے مبینہ مقابلے میں ایک خطرناک ڈاکو ہلاک جبکہ 2 فرار ہوگئے۔پھاٹک پر ناکہ بندی کے دوران 3 موٹر سائیکل سوار ملزمان نے پولیس پارٹی پر فائرنگ کر دی، مقابلہ میں فائرنگ سے ایک ڈاکو موقع پر مارا گیا، ہلاک ڈاکو کی جاوید عرف جیدی جھنڈیکا کے نام سے شناخت ہوئی ہے۔ ملزم ڈکیتی، راہزنی کے 45 مقدمات میں ریکارڈ یافتہ تھا، ملزم نے گزشتہ دنوں عارف والا روڈ پر ساتھیوں کے ہمراہ ناکہ لگا کر متعدد کار سواروں کو لوٹ لیا تھا۔ ہلاک ملزم سے اسلحہ بھی برآمد ہوا، مفرور ملزموں کی تلاش کیلئے ٹیمیں تشکیل دیدی گئی ہیں جنہیں جلد حراست میں لے کر کیفر کردار تک پہنچایا جائے گا۔
Leave A Comment