بھارت : رانیا راؤ پر سونے کی اسمگلنگ کے کیس میں 102 کروڑ روپے جرمانہ عائد

بھارت کی کناڈا فلموں کی اداکارہ رانیا راؤ پر سونا اسمگلنگ کیس میں 102 کروڑ روپے جرمانہ عائد کردیا گیا۔ ڈائریکٹوریٹ آف ریونیو انٹیلی جنس (ڈی آر آئی) حکام کے مطابق 3 مارچ کو دبئی سے بنگلورو پہنچنے پر 32 سالہ اداکارہ کو ایئرپورٹ پر 14.8 کلو سونے کے ساتھ رنگے ہاتھوں گرفتار کیا گیا تھا۔اداکارہ رانیا راؤ ڈائریکٹر جنرل آف پولیس رینک افسر ’کے رام چندر راؤ‘ کی سوتیلی بیٹی ہیں۔اس سے قبل رواں سال جولائی میں اداکارہ کو COFEPOSA ایکٹ کے تحت کم از کم ایک سال قید کی سزا سنائی گئی تھی۔

واضح رہے کہ اداکارہ کے پاس سے برآمد ہونے والے سونے کی قیمت تقریباً 12 کروڑ بھارتی روپے بتائی گئی تھی۔