ٹیرف پر عدالتی فیصلے کے خلاف سپریم کورٹ جائیں گے، ڈونلڈ ٹرمپ

امریکی صدر ڈونلڈ ٹرمپ نے کہا ہے کہ ٹیرف پر عدالتی فیصلے کے خلاف سپریم کورٹ جائیں گے۔ اگر ٹیرف ہٹادیے گئے تو امریکا غریب ملک بن سکتاہے۔اپنے بیان میں انہوں نے کہا کہ چین کے صدر کا پیوٹن اور کم جونگ اُن کی میزبانی کرنا کوئی چیلنج نہیں۔ شکاگو شہر میں جرائم پر قابو پانے کے لیے نیشنل گارڈ بھیجیں گے۔ ڈونلڈ ٹرمپ نے کہا کہ سوشل میڈیا پر میری صحت سے متعلق خبریں جعلی ہیں۔

امریکی ریاست الینوائے کے گورنر نے کہا کہ شکاگو میں نیشنل گارڈ بھیجنے کا ٹرمپ کا منصوبہ مسترد کرتے ہیں۔انہوں نے کہا کہ شکاگو کو سڑکوں پر فوجی دستے نہیں چاہییں، ٹرمپ اپنی کرپشن پر پردہ ڈالنے کے لیے سیاسی ڈرامہ رچا رہے ہیں۔