rehber Logo

وفاقی تحقیقاتی ادارہ (ایف آئی اے) اور اے ایس ایف نے مشترکہ کارروائی کرکے کروڑوں روپے مالیت کے سونے کی بیرون ملک اسمگل کرنے کی کوشش ناکام بنا دی۔ ایف آئی اے کمرشل بینکنگ سرکل پشاور اور اے ایس ایف نے مشترکہ کارروائی کی اور کروڑوں مالیت کے سونے کی بیرون ملک اسمگلنگ ناکام بناتے ہوئے پاکستان انٹرنیشنل ایئرلائنز (پی آئی اے) کے دو اہلکاروں کو گرفتار کرلیا۔ گرفتار ملزمان میں ناصر خان اور شاہد اللہ شامل ہیں، جنہیں باچا خان انٹرنیشنل ائیرپورٹ پشاور سے گرفتار کیا گیا ہے۔ملزمان کے قبضے سے 7740 گرام سونا برآمد کر لیا گیا ہے۔ گرفتار ملزمان پشاور ائیرپورٹ پر تعینات تھے اور ملزمان برآمد شدہ سونے کو بیرون ملک اسمگل کر رہے تھے۔ ملزمان کا دو روزہ جسمانی ریمانڈ حاصل کر لیا گیا ہے اور ان سے مزید تفتیش جاری ہے جبکہ دیگر ملزمان کی گرفتاری کے لیے کارروائیاں جاری ہیں ہیں۔