کوئٹہ : پاکستان میں غیر قانونی طور پر مقیم 4 بنگلادیشی باشندوں کی ایران جانےکی کوشش ناکام،ایجنٹس سمیت گرفتار

ایف آئی اے بلوچستان زون نے 4 بنگلہ دیشی شہریوں کی غیر قانونی طریقے سے ایران جانے کی کوشش کو ناکام بناتے ہوئے 2 ایجنٹوں سمیت گرفتار کرلیا۔ کوئٹہ نے کامیاب کارروائی کے دوران بدنام زمانہ ایجنٹوں نادر اورساتھی حیدر کی گرفتاری عمل میں آئی، ملزمان غیر قانونی طور پر ایران جانے کی کوشش میں پکڑے گئے۔حراست میں لیے گئے بنگلہ دیشی شہریوں کی شناخت عتیق الرحمان، شمن، خیرالحسن اور رتن علی کے نام سے ہوئی۔ابتدائی تفتیش کے مطابق گرفتارملزمان غیر قانونی طور پر پاکستان میں داخل ہوئے تھے اور بعدازاں ایجنٹوں کی مدد سے ایران جانے کی کوشش کررہے تھے۔