طورخم بارڈر: 25 افغان پاسپورٹ اسمگل کرنے کی کوشش ناکام، مسافر گرفتار
وفاقی تحقیقاتی ایجنسی نے طورخم بارڈر پر کارروائی کرتے ہوئے افغان پاسپورٹ اسمگل کرنےکی کوشش ناکام بنا کر مسافر کو گرفتار کرلیا۔ امیگریشن نے طورخم بارڈر پر کارروائی کرتے ہوئے ایک مسافر کو گرفتار کرکے اس کے قبضے سے 25 افغان پاسپورٹ برآمد کرلیے۔افغان پاسپورٹ کولڈ ڈرنکس کے کین میں چھپائے ہوئے تھے اور ان پاسپورٹ پر تاجکستان کے ویزے لگے ہوئے تھے۔گرفتار ملزم کا تعلق افغانستان کے شہر جلال آباد سے ہے، جسے گرفتار کر کے اینٹی ہیومن ٹریفکنگ سرکل پشاور منتقل کر دیا گیا ہے اور مزید تفتیش کی جا رہی ہے۔
Leave A Comment