بھارت نے سیلاب کے حوالے سے پاکستان کو مطلع کردیا

بھارتی ہائی کمیشن نے سیلاب کے حوالے سے پاکستان کو مطلع کردیا۔پاکستان میں وزارت آبی وسائل نے فلڈ الرٹ جاری کردیا ہے۔اس حوالے سے مراسلے میں کہا گیا کہ بھارتی دریائے ستلج میں ہریکے زیریں اور فیروز پور زیریں میں اونچے درجے کے سیلاب کی اطلاع ہے۔ بھارت نے دریائے توی میں جموں کے مقام پر بھی اونچے درجے کے سیلاب کی اطلاع دی ہے۔

پی ڈی ایم اے پنجاب نے صوبے میں 5 ستمبر تک بارشوں کی پیش گوئی کی ہے جس کے باعث سیلابی صورتحال میں شدت کا امکان ہے۔