گڑھی شاہو :پولیس کی کارروائی، ٹک ٹاک پر اسلحہ کی نمائش کرنے والے ملزمان گرفتار

گڑھی شاہو پولیس نے بروقت کارروائی کرتے ہوئے سوشل میڈیا ایپ ٹک ٹاک پر اسلحہ کی نمائش کرنے والے ملزمان کو گرفتار کر لیا۔ترجمان پولیس کے مطابق پٹرولنگ ٹیم نے سٹاپ اینڈ سرچ میتھڈ کے دوران ملزمان کو گرفتار کیا،ملزمان کی شناخت گڑھی شاہو چوک کے قریب کی گئی،ملزمان نے اسلحہ کی نمائش کی متعدد ویڈیوز سوشل میڈیا پر وائرل ہیں۔ملزمان احمد اور نبیل کے قبضے سے غیر قانونی 2 پستول اور گولیاں برآمد کر لی گئی۔ ملزمان کیخلاف مقدمہ درج کر کے انویسٹی گیشن ونگ کے حوالے کر دیا گیا۔