rehber Logo

سپریم کورٹ نے قتل اور دیگر فوجداری مقدمات کے لیے ایک اہم پرفارما جاری کیا ہے جس کے تحت اب کیس کی تمام بنیادی معلومات ایک صفحے کے فارم پر جمع کرانا لازمی ہوگا۔ اس پرفارما کے مطابق فریقین کو بھی کیس کے ساتھ معلوماتی فارم جمع کرانا ہوگا، جس میں ایف آئی آر نمبر اور متعلقہ تھانہ کا نام، پوسٹمارٹم کے نتائج اور پوسٹمارٹم کا دن و وقت، ملزمان کے نام، عمر اور گرفتاری کی تاریخ، ٹرائل کورٹ اور ہائیکورٹ کے فیصلوں کے نتائج اور فرانزک رپورٹس اور ان کے نتائج درج کیے جائیں گے۔سپریم کورٹ کا مقصد یہ ہے کہ ججز کیس کی تمام بنیادی معلومات ایک صفحے کے پرفارما سے فوری طور پر دیکھ سکیں اور جرم کی نوعیت اور کیس کی اہمیت کا فوری اندازہ لگا سکیں۔یہ اقدام مقدمات کی جانچ اور فیصلوں میں شفافیت اور تیز رفتاری لانے میں مددگار ثابت ہوگا۔