اے این ایف کا بڑا کریک ڈاؤن، 33 کروڑ کی منشیات برآمد

اینٹی نارکوٹکس فورس (اے این ایف) نے مختلف شہروں میں منشیات اسمگلنگ کے خلاف کریک ڈاؤن کرتے ہوئے 33 کروڑ روپے کی منشیات برآمد کرلی۔ اے این ایف کا ملک کے مختلف شہروں میں منشیات اسمگلنگ کے خلاف کریک ڈاؤن جاری ہے جہاں 6 کاروائیوں کے دوران 2 افغانی غیر ملکی باشندوں سمیت 6 ملزمان گرفتار کرلئے گئے۔ کاروائیوں میں 33 کروڑ 68 لاکھ روپے سے زائد مالیت کی تقریباً 248 کلو گرام منشیات، جناح انٹرنیشنل ایئرپورٹ کراچی پر برطانیہ جانے والے افغانی نژاد برطانوی شہری سے 990 نشہ آور گولیاں برآمد کرلی گئیں۔اپر مال لاہور میں واقع کوریئر آفس میں قطر بیجھے جانیوالے پارسل سے 800 گرام آئس، سہراب گوٹھ بس ٹرمینل کراچی کے قریب افغان باشندے سے 3.600 کلو گرام چرس برآمد کی گئی۔