سرکاری حج سکیم کے تحت درخواستوں کی وصولی کا عمل مکمل

سرکاری حج اسکیم کے تحت درخواستوں کی وصولی کا عمل مکمل ہو گیا۔ ملک بھر سے ایک لاکھ 18 ہزار 60 حج درخواستیں موصول ہوئیں۔وزارتِ مذہبی امور کے ترجمان کے مطابق حج درخواستوں کی مزید وصولی کا کام ختم کر دیا گیا ہے، حج درخواستیں پہلے آئیے پہلے پائیے کی بنیاد پر وصول کی گئیں۔نصف حج اخراجات پہلی قسط کے طور پر پانچ لاکھ روپے وصول کیے گئے، حج کے باقی اخراجات دوسری قسط میں وصول کیے جائیں گے۔

یاد رہے حج واجبات کی دوسری قسط کی وصولی یکم نومبر سے شروع کی جائے گی۔سرکاری سکیم کا تخمینہ ساڑھے 11 لاکھ سے ساڑھے 12 لاکھ کے درمیان ہے۔