آئی سی سی ویمنز کرکٹ ورلڈ کپ، تبدیل شدہ شیڈول جاری،بنگلور کےمیچز ممبئی منتقل

آئی سی سی ویمنز کرکٹ ورلڈ کپ 2025 کا تبدیل شدہ شیڈول جاری کردیا، بنگلور میں ہونے والے میچز اب ممبئی میں ہوں گے۔ آئی سی سی ویمنز کرکٹ ورلڈ کپ 2025 کیلئےممبئی میں تین لیگ میچز، ایک سیمی فائنل اور ممکنہ فائنل شیدول کیے گئے ہیں۔آئی سی سی ویمنز کرکٹ ورلڈ کپ 30 ستمبر سے 2 نومبر تک کھیلا جائے گا،پاکستان ویمنز ٹیم اگر سیمی فائنل میں پہنچی تو میچ کولمبو میں ہوگا،پاک بھارت سیمی فائنل کی صورت میں بھی میچ کولمبو میں رکھا جائے گا،پاکستان ویمنز کے فائنل میں پہنچنے پر بھی ایونٹ کا بڑا مقابلہ کولمبو میں ہوگا،پاکستان ویمنز ٹیم ایونٹ میں اپنا افتتاحی میچ دو اکتوبر کو بنگلہ دیش کے خلاف کولمبو میں کھیلے گی۔