نسلہ ٹاور الاٹمنٹ کیس , تمام ملزمان بری

صوبائی اینٹی کرپشن عدالت نے نسلہ ٹاور کو غیر قانونی زمین الاٹ کرنے کے مقدمے میں سابق ڈائریکٹر جنرل ایس بی سی اے منظور کاکا سمیت دیگر ملزمان کو بری کردیا۔صوبائی اینٹی کرپشن کورٹ کے جج نے نسلہ ٹاور کو غیر قانونی زمین الاٹ کرنے کے مقدمے کا فیصلہ سنادیا۔ عدالت نے سابق ڈائیریکٹر جنرل ایس بی سی اے سمیت دیگر ملزمان کو عدم شواہد کی بنا پر بری کردیا۔بری ہونے والوں میں سابق ڈی جی ایس بی سی اے منظور قادر کاکا، سابق ڈائریکٹر علی مہدی کاظمی، سابق ڈائریکٹر علی غفران، سابق ڈپٹی ڈائریکٹر سمیع صدیقی اور علی ظفرجعفری سمیت دیگر ملزمان شامل ہیں۔

عدالت نے فیصلے میں قرار دیا کہ استغاثہ ملزمان پر زمین کی غیر قانونی الاٹمنٹ ثابت نہیں کرسکا۔سپریم کورٹ کےحکم پر فروری 2022 شارع فیصل پرتعمیر شدہ نسلہ ٹاور کو غیر قانونی قرار دے کر منہدم کردیا گیا تھا۔ملزمان پر الزام تھا کہ انہوں نسلہ ٹاور کے بلڈر کو نقشے سے ہٹ کر غیر قانونی طورپر زمین الاٹ کی۔ لیکن استغاثہ عدالت میں ملزمان کیخلاف ٹھوس ثبوت پیش نہیں کرسکا۔