این سی سی آئی اے کا رجب بٹ، اقرا کنول اور انس علی کو 9 ستمبر کو پیش ہونے کا حکم

نیشنل کرائم انویسٹی گیشن ایجنسی (این سی سی آئی اے) نے یوٹیوبرز رجب بٹ، اقرا کنول اور محمد انس علی کو 9 ستمبر کو پیش ہونے کا حکم دے دیا۔ این سی سی آئی اے نے تینوں کو اس حوالے سے نوٹسز جاری کردیے ہیں ,نوٹس کے مطابق ان کے خلاف الزامات ہیں کہ انہوں نے آن لائن ٹریڈنگ ایپس کے ذریعے مالیاتی سکیموں میں ملوث ہیں۔ ان افراد نے لوگوں کو آن لائن ٹریڈنگ میں سرمایہ کاری کے لیے دھوکہ دیا اور ان کی محنت کی کمائی لوٹی۔نوٹس میں کہا گیا ہے کہ یوٹیوبرز نے آن لائن جوئے کی سرمایہ کاری کے منصوبوں کو فروغ دینے کے لیے سوشل میڈیا پلیٹ فارمز کا استعمال کیا۔نوٹس میں یہ بھی بتایا گیا ہے کہ اگر وہ مقررہ وقت پر پیش نہیں ہوتے تو یہ فرض کر لیا جائے گا کہ ان کے پاس اپنے دفاع میں پیش کرنے یا بیان کرنے کے لیے کچھ نہیں ہے۔