تین ملکی سیریز، پاکستان نے افغانستان کو 39 رنز سے شکست دے دی

تین ملکی سیریز کا پہلا ٹی20 میچ پاکستان نے 39 رنز سے جیت لیا، 183 رنز کے ہدف کے تعاقب میں افغانستانی ٹیم 143 رنز پر ڈھیر ہوگئی۔شارجہ میں کھیلے گئے میچ میں پاکستان نے پہلے بیٹنگ کی اور مقررہ 20 اوورز میں 7 وکٹ پر 182 رنز بنائے اور افغانستان کو 183 رنز کا ہدف دیا۔افغان ٹیم کے کپتان راشد خان نے 39، رحمان اللّٰہ گرباز 38، صدیق اللّٰہ23 اور درویش رسولی21 رنز کے ساتھ نمایاں اسکور رہے ہیں، دیگر کوئی کھلاڑی دہرا ہندسہ عبور نہ کرسکے۔پاکستان کے حارث روف نے 4، شاہین آفریدی، محمد نواز اور سفیان مقیم نے 2،2 وکٹ لینے کامیاب رہے ہیں۔

اس سے قبل قومی ٹیم کے کپتان سلمان علی آغا نے ناقابل شکست اننگز کھیلتے ہوئے 3 چھکوں اور 3 چوکوں کی مدد سے 53 رنز بنائے تھے، وہ پلیئر آف دی میچ قرار پائے۔صاحبزادہ فرحان اور محمد نواز 21،21، فخر زمان 20، محمد حارث 15، فہیم اشرف 14، صائم ایوب 14 اور حسن نواز 9 رنز بناکر پویلین لوٹے تھے۔صاحبزادہ فرحان 21، محمد نواز 21، فخر زمان 20، محمد حارث 15، فہیم اشرف 14، صائم ایوب 14 اور حسن نواز 9 کے انفرادی اسکور پر آؤٹ ہوئے تھے۔افغانستان کے فرید احمد نے 2 جبکہ مجیب الرحمان، محمد نبی، کپتان راشد خان اور عظمت اللّٰہ عمرزئی نے 1، 1 وکٹ حاصل کی تھی۔

سیریز میں تیسری ٹیم متحدہ عرب امارات کی ہے، جو آج میچ پاکستان کے خلاف کھیلے گی۔