انجینئر محمد علی مرزا کے خلاف توہین رسالت (295 سی) کا مقدمہ درج

معروف مذہبی سکالر انجینئر محمد علی مرزا کے خلاف توہین رسالت صلی اللہ علیہ وسلم کی دفعہ 295 سی کے تحت مقدمہ درج کرلیا گیا۔انجینئر محمد علی مرزا کے خلاف تھانہ سٹی جہلم میں شہری حمیر علی قادری کی مدعیت میں 295 سی اور پیکا ایکٹ کے تحت درج کیا گیا ہے۔ ان کے خلاف مقدمے کی درخواست ان کا ایک متنازعہ کلپ وائرل ہونے کے بعد دی گئی۔ واضح رہے کہ اس کلپ کے وائرل ہونے کے بعد علماء کی طرف سے سخت رد عمل کا اظہار کیا گیا۔ گزشتہ روز علماء نے جہلم کی ضلعی انتظامیہ سے ملاقاتیں کیں جس کے نتیجے میں ڈپٹی کمشنرنے علی مرزا کے خلاف تھری ایم پی او کا آرڈر جاری کیا ۔ بعد ازاں انہیں رات کو گرفتار کرلیا گیا۔