لاہور: منہالہ روڈ کے علاقے میں بارش کے باعث گھر کی چھت گر گئی، 2 افراد جاں بحق

لاہور میں کھیرا پل منہالہ روڈ کے علاقے میں بارش کے باعث گھر کی چھت گر گئی جس کے نتیجے میں ملبے تلے دب کر 2 افراد جاں بحق جبکہ ایک شخص زخمی ہو گیا۔ واقعہ کی اطلاع ملتے ہی ریسکیو ٹیمیں جائے وقوعہ پر پہنچ گئیں اور لاشوں اور زخمی شخص کو ملبے کے نیچے سے نکال لیا۔ریسکیو ٹیم کے مطابق جاں بحق ہونے والوں میں پچیس سالہ رانی اور اٹھارہ سالہ آفتاب شامل ہیں جبکہ پینتیس سالہ شرجیل زخمی ہوا ہے جسے علاج کے لیے گھرکی اسپتال منتقل کر دیا گیا ہے۔