گلگت، پہاڑ سے آنے والے سیلابی ریلے سے کئی گھروں کو جزوی نقصان

گلگت کے علاقہ فیض آباد میں تیز بارش کے بعد پہاڑ سے آنے والے سیلابی ریلے کے باعث کئی گھروں کو جزوی نقصان پہنچا ہے۔اسسٹنٹ کمشنر گلگت کے مطابق، فیض آباد میں رات گئے آنے والے سیلاب سے کچھ گھروں کو نقصان پہنچا ہے۔ سیلابی پانی سڑک پر بھی آگیا جس سے نلتر ایکسپریس وے کا کچھ حصہ متاثر ہوا ہے۔ تین متاثرہ گھروں کے مکینوں کو محفوظ مقام پر منتقل کر دیا گیا ہے۔ انتظامیہ اور ریسکیو کی ٹیمیں متاثرہ علاقے میں پہنچ گئی ہیں۔ سیلاب کی صورتحال کنٹرول میں ہے اور متعلقہ ادارے پوری طرح سے چوکس ہیں۔