rehber Logo

جنوبی کوریا کی نیوز ایجنسی کے مطابق 55 سالہ اداکار سونگ یونگ کیو کی لاش سیول کے قریب اپنے رہائشی کمپلیکس میں ایک پارک کی ہوئی گاڑی سے برآمد ہوئی۔ اطلاعات کے مطابق، صبح 8 بجے ان کی موت کی اطلاع ملی۔ پولیس نے بتایا کہ گاڑی میں خود کشی کا کوئی نوٹس نہیں ملا اور نہ ہی ان کی موت کے حوالے سے قتل کا کوئی شواہد سامنے آئے ہیں۔پولیس کے مطابق، مارٹم رپورٹ کے بعد ہی سونگ یونگ کیو کی موت کی اصل وجہ کا پتا چل سکے گا۔

یاد رہے کہ سونگ یونگ کیو نے 2014 میں جنوبی کوریا کے شہر سیول میں ’محبت اور شادی‘ نامی ٹی وی ڈرامے کی پریس کانفرنس میں شرکت کی تھی۔ اس ڈرامے کی شوٹنگ 27 ستمبر 2014 سے شروع ہوئی تھی۔ ان کا کیریئر ایک طویل عرصے تک کامیاب رہا، مگر 2019 میں ایک مشہور فلم ’ایکسٹریم جاب‘ میں کامیاب کردار نبھایا تھا۔سونگ یونگ کیو کو ایک اسکینڈل کے دوران بھی یاد کیا جاتا ہے، جب انہوں نے 2018 میں نشے کی حالت میں گاڑی چلائی اور ان کے خون میں الکحل کی مقدار اتنی زیادہ تھی کہ ان کا ڈرائیونگ لائسنس منسوخ کر دیا گیا تھا۔ اس کے بعد انہیں تین منصوبوں سے نکال دیا گیا تھا، جن میں ’دی ڈیفیکٹس‘ اور ’دی وننگ ٹرائے‘ شامل تھے۔ اس کے علاوہ، انہیں اسٹیج ڈرامہ ’شیکسپیئر ان لو‘ سے بھی باہر کیا گیا تھا۔