rehber Logo

وفاق اور سندھ نے زرعی اجناس بنانے اور بیچنے والی 392 کمپنیز پر پابندی لگانے کا فیصلہ کرلیا۔ذرائع کے مطابق زرعی اجناس بنانے اور بیچنے والی کمپنیز پر پابندی کا فیصلہ حکومت نے 2 ماہ کے سروے کے بعد دی گئی رپورٹ کے بعد کیا ہے۔ 392 کمپنیز جعلی زرعی بیج فروخت کرنے میں ملوث تھیں۔وفاقی وزارت فوڈ سیکیورٹی نے صوبوں کے ساتھ زرعی سیکٹر پر اہم اجلاس کیا۔بریفنگ میں بتایا گیا کہ چاولوں میں ایم آر ایل اشو آنے پر 12پیسٹی سائیڈ پراڈکٹس پر مکمل پابندی لگادی گئی، چاول کا بیج بنانے کی 1030 کمپنیاں موجود ہیں، جن میں جعلی کمپنیاں بھی شامل ہیں۔ ہائبرڈ بیج امپورٹ کرنے والی کمپنیز کو سیڈ کے تمام بیگز پر کیو آر کوڈ لگانے کا حکم دیا ہے، جس بھی چاول کے بیج کے بیگ پر کیو آر کوڈ نہیں ہوگا، وہ بیج جعلی تصور ہوگا۔ کیو آر کوڈ کے بغیر فروخت میں ملوث دکانداروں کے خلاف محکمہ زراعت اور ایف آئی اے کارروائی کریں گے۔اجلاس میں ہدایت دی گئی کہ کاشتکار زرعی اجناس کا بیج خریدنے سے پہلے تصدیق ضرور کروائیں۔