یوکرین کے سابق اسپیکر پارلیمنٹ اینڈری پاروبی کو فائرنگ کر کے قتل کردیا گیا

یوکرین کے سابق اسپیکر پارلیمنٹ اور سیاستدان اینڈری پاروبی کو فائرنگ کر کے قتل کردیا گیا۔یوکرینی صدر ولادیمیر زیلنسکی نے سابق اسپیکر پارلیمنٹ کے قتل کی مذمت کرتے ہوئے تحقیقات کا حکم دے دیا۔

یوکرین کے سابق پارلیمانی اسپیکر اینڈری پارو بی کو ہفتے کے روز مغربی شہر لیویو کی سڑک پر مبینہ طور پر فائرنگ کرکے ہلاک کیا گیا، ملزم فوڈ ڈلیوری ڈرائیور کے روپ میں تھا۔ملزم نے پارو بی پر 8 گولیاں چلائیں اور پھر الیکٹرک بائیک پر فرار ہو گیا۔ 54 سالہ پارو بی کی ہلاکت تقریباً دوپہر کے وقت ہوئی۔

پارو بی نے اپریل 2016 سے اگست 2019 تک پارلیمنٹ کے اسپیکر کے طور پر خدمات انجام دیں اور فروری سے اگست 2014 تک یوکرین کی قومی سلامتی و دفاع کونسل کے سیکریٹری بھی رہے۔