لاہور: 2 مختلف مقامات پر مبینہ پولیس مقابلے، 2ڈاکو ہلاک، ایک زخمی حالت میں گرفتار

فیکٹری ایریا کے علاقے میں سی سی ڈی ڈیفنس کا مبینہ پولیس مقابلہ , مختلف مقدمات میں ملوث زیر حراست 2 ملزمان ہلاک ہوگئے۔

پولیس کے مطابق سی سی ڈی ڈیفنس کی ٹیم ملزم مون اور حفیظ کو ریکوری کیلئے لے جا رہی تھی، ملزمان کے ساتھیوں نے والٹن روڈ کے قریب پولیس پر فائرنگ کر دی، جس کی زد میں آکر زیر حراست ملزمان اپنے ہی ساتھیوں کی فائرنگ سے مارے گئے ۔پولیس نے لاشیں جنرل ہسپتال کے مردہ خانے منتقل کر دی ہیں۔

دوسرا واقعہ سبزہ زار کے علاقے میں پیش آیا، جہاں اے وی ایل ایس اقبال ٹاؤن پولیس کے ساتھ مبینہ مقابلے کے بعد ایک ڈاکو زخمی حالت میں گرفتارکرلیا گیا۔ گرفتار ڈاکو کی شناخت راشد کے نام سے ہوئی۔ گرفتار زخمی ڈاکو کار چوری کی وارداتوں میں پولیس کو مطلوب تھا، زخمی ڈاکو کو ہسپتال منتقل کر دیا گیا۔