بیرون ملک منشیات سمگلنگ کی کوشش ناکام، دو خواتین سمیت 3 ملزمان گرفتار

اینٹی نارکوٹکس فورس (اے این ایف) نے بیرون ملک منشیات سمگلنگ کی کوشش ناکام بناتے ہوئے دو خواتین سمیت 3 ملزمان کو گرفتار کر لیا۔اسلام آباد انٹرنیشنل ایئرپورٹ پر کارروائی کر کے عمرے کیلئے سعودی عرب روانہ ہونے والے مسافر، ماں اور بیوی سے منشیات برآمد کر کے ملزمان کو زیر حراست لیا گیا۔ملزم کی بیوی اور ساس نے مجموعی طور پر پیٹ میں ہیروئین بھرے 83 کیپسول نگل رکھے تھے، ملزم کی بیوی سے 12 اور ساس سے 71 ہیروئن بھرے کیپسول برآمد ہوئے ہیں، دونوں خواتین کے پیٹ سے برآمد ہونے والی ہیروئن کی مقدار 549 گرام ہے۔پیٹ میں منشیات بھرے کیپسولز کی تصدیق کیلئے ملزمان کو ہسپتال منتقل کیا گیا ہے۔ملزمان سے گروہ کے دیگر افراد کی گرفتاری کے حوالے سے تفتیش جاری ہے، ملزمان کو اے این ایف پولیس سٹیشن منتقل کر کے انسداد منشیات ایکٹ کے تحت مقدمات درج کر لئے گئے ہیں۔