دبئی سے لاہور چاندی کی بھاری کھیپ سمگل کرنے کی کوشش ناکام، ملزم گرفتار

دبئی سے آنے والی ایئربلیو کی پرواز سے چاندی کی بھاری کھیپ سمگل کرنے کی کوشش ناکام بنادی گئی۔ علامہ اقبال انٹرنیشنل ایئرپورٹ پر پہنچنے والی پرواز میں سوار مسافر کی تلاشی کے دوران 7 کلوگرام چاندی برآمد ہوئی۔ جس کے بعد کسٹمز حکام نے اوکاڑہ کے رہائشی محمد شفیق کو گرفتار کرکےمقدمہ درج کرلیا۔ کسٹم حکام کے مطابق اوکاڑہ کے رہائشی محمد شفیق نے نہایت مہارت کے ساتھ چاندی کی جیکٹ بنا کر قمیض کے نیچے پہن رکھی تھی۔محمد شفیق مقامی مارکیٹ میں بیچنے کیلئے 26 لاکھ روپے سے زائد مالیت کی چاندی سمگل کرکے لایاتھا ۔ مسافرکے پاس کوئی قانونی دستاویز موجود نہیں تھی۔