rehber Logo

 چناب کا سیلابی ریلا ملتان ڈویژن کی حدود میں پہنچ گیا ہے۔ چناب کے سیلاب سے مزید درجنوں بستیاں زیر آب آگئیں۔چناب کے خطرناک سیلابی ریلے کے ملتان ڈویژن کی حدود میں پہنچنے کے بعد ملتان شہر کے بچاؤ کےلیے قائم اکبر فلڈ بند پر  بھی پانی کی سطح میں 3 سے 4  فٹ اضافہ ہوگیا اوراس بند کے علاقہ میں بہت سے گھروں کو نقصان  پہنچا ہے۔ہیڈ محمد والا کی سڑک کو پہلے ٹریفک کے لئے بند کر دیا گیا تھا۔ اب اطلاعات ہیں کہ سڑک میں شگاف ڈالنے کے لیے بارودی مواد لگادیا گیا ہے۔دریائے چناب کے بڑھتے ہوئے سیلاب سے ملتان میں پانی کے بڑھتے ہوئے مسلسل بہاوؤکے باعث مزید درجنوں بستیاں زیر آب آگئی ہیں۔

ملتان میں سیلاب سے متاثرہ علاقوں میں پھنسے لوگوں کو دن ڈھلنے تک ڈرونز کے ذریعے ڈھونڈا جارہا ہتھا، رات ہونے پر یہ کام روک دیا گیا۔ سیلاب زدہ علاقوں میں خالی کئے جا چکے گھروں میں چوریاں روکنے کے لیے بھی ڈرون کے ذریعے نگرانی کی جارہی ہے۔دریائے چناب میں تریموں کے مقام پر پانی کا بہاؤ 3 لاکھ 99 ہزار کیوسک ریکارڈ کیا گیا ہے۔صوبائی وزیر آب پاشی کے مطابق فی الحال صورت حال خطرناک نہیں ہے، پانی کا دباؤ بڑھنے پر بند توڑنے کا فیصلہ کیا جائے گا۔

 شمالی پنجاب میں دریائے چناب میں نیاسیلاب جنم لے رہا ہے۔ منگل اور بدھ کی درمیانی رات ہیڈ مرالہ میں درمیانے درجے کا سیلاب ہے ۔چناب کے سیلاب سے جھنگ میں 261  دیہات زیرِ آب  آئے ہوئے ہیں اور مظفرگڑھ میں رنگ پورکے مقام پر سیلابی ریلے سے 24 سے زائد دیہات زیر آب  آگئے ہیں۔ ،مظفر گڑھ میں چناب کا پانی مسلسل بڑھ رہا ہے۔