پاکستان کو امریکہ میں مچھلی برآمد کرنے کی اجازت مل گئی

پاکستان کو امریکا میں مچھلی برآمدات کی اجازت مل گئی۔وفاقی وزیر برائے بحری امور جنید انوار چوہدری نے کہا کہ پاکستان کو امریکا میں مچھلی کی برآمدات کی 4 سال کی اجازت ملی ہے جو پاکستانی سی فوڈ معیار کا عالمی اعتراف ہے۔پاکستانی فشریز امریکی معیار پر پوری اتریں، سمندری مصنوعات کی برآمدات میں تسلسل ممکن ہوگیا ہے، پاکستان کی برآمدات کو امریکا کی منظوری سے استحکام ملے گا۔ پاکستان نے گزشتہ سال 2.42 لاکھ ٹن مچھلی برآمد کی جس سے 489 ملین ڈالر زرمبادلہ حاصل ہوا جب کہ اگلے سال 600 ملین ڈالر برآمدات کا امکان ہے۔