rehber Logo

ریاض کے شمالی علاقے ملہم میں منعقدہ انٹرنیشنل فالکن بریڈرز آکشن میں ایک باز 12 لاکھ سعودی ریال (3 لاکھ 20 ہزار ڈالر) یعنی 9 کروڑ6 لاکھ پاکستانی روپے میں نیلام ہوا۔یہ سوپر وائٹ پیور جائر فرخ تھا جو امریکہ کے آر ایکس فارم سے آیا تھا اور اس سال کے ایونٹ کا سب سے مہنگا پرندہ قرار پایا۔نیلامی کے ابتدائی دن مزید دو شاہین جائر فرخ بھی فروخت ہوئے، ایک برطانیہ کے بارڈر فالکنز فارم سے 28 ہزار ریال میں اور دوسرا فالکن میوز فارم، برطانیہ سے 48 ہزار ریال میں فروخت ہوا۔

 باز پرندوں کے معروف مالک محمد البلیدان، جو گزشتہ برسوں میں بھی اس نیلامی سے کئی پرندے خرید چکے ہیں۔انہوں نے کہا کہ سعودی فالکنز کلب نے دنیا بھر کے بریڈرزکو ایک جگہ اکٹھا کرنے میں اہم کردار ادا کیا ہے۔ کلب کے پلیٹ فارم پر سب کو متحد کرنے سے لاجسٹک معاملات آسان ہوئے ہیں۔اب ہم ایک ہی معتبر ادارے سے کاروبارکرتے ہیں جس سے اس پورے شعبے میں پیشہ ورانہ مہارت اور تنظیم پیدا ہوئی ہے۔ نمائش کنندگان کے لیے بڑے اور کشادہ مقامات فراہم کرنا اس ایونٹ کی ترقی اور دنیا بھر سے خریداروں کو راغب کرنے میں اہم قدم ہوگا۔ مقامی کمپنیوں کی کوششیں مملکت کی بازیگری کے ورثے کو آئندہ نسلوں کے لیے محفوظ بنانے میں مددگار ہیں۔