جنوبی کوریا: اسکولوں میں اسمارٹ فونز کے استعمال پر پابندی عائد

جنوبی کوریا کی پارلیمنٹ نے بدھ کو ایک بل منظور کیا جس کے تحت ملک بھر کے اسکولوں میں موبائل فونز اور دیگر ڈیجیٹل آلات کے استعمال پر مکمل پابندی عائد عائد ہوگی۔ اس قانون کا اطلاق مارچ 2026 میں نئے تعلیمی سال کے آغاز پر ہوگا۔ اس اقدام کا مقصد نوجوانوں میں سوشل میڈیا کے حد سے زیادہ استعمال کے مضر اثرات پر قابو پانا ہے۔جنوبی کوریا ان چند ترقی یافتہ ممالک میں شامل ہے جو نابالغ افراد کے لیے اسمارٹ فونز اور سوشل میڈیا کے استعمال کو محدود کر رہا ہے۔

حال ہی میں آسٹریلیا نے نوعمروں کے لیے سوشل میڈیا پر اپنی ابتدائی پابندیوں کو مزید سخت کیا ہے، جبکہ نیدرلینڈز میں موبائل فون پر پابندی کے بعد اسکولوں میں طلبا کی توجہ میں بہتری آئی ہے۔

امریکی تحقیقی ادارے پیو ریسرچ سینٹر کے مطابق، جنوبی کوریا دنیا کے سب سے زیادہ ڈیجیٹل سے منسلک ممالک میں سے ایک ہے، جہاں 99 فیصد آبادی انٹرنیٹ استعمال کرتی ہے اور 98 فیصد افراد کے پاس اسمارٹ فونز موجود ہے۔ 2022 اور 2023 میں کیے گئے ایک جائزے کے مطابق یہ شرح 27 ممالک میں سب سے زیادہ رہی۔