دریائے راوی میں سیلابی صورتحال ، میٹرو بس لاہور کے 2مرکزی سٹیشنز بند
دریائے راوی میں اونچے درجے کے سیلاب کے خدشات کے پیشِ نظر میٹرو بس کے 2 مرکزی سٹیشنز فوری طور پر بند کر دیے گئے۔ نیازی اڈہ میٹرو بس سٹیشن اورشاہدرہ میٹرو بس سٹیشن ہر قسم کے مسافروں کے لیے بند کر دیا گیا ہے۔انتظامیہ کے مطابق دونوں سٹیشنز پر مسافروں کے داخلے پر پابندی لگا دی گئی ہے جبکہ پولیس اور سکیورٹی نفری تعینات کر کے داخلی اور خارجی راستے سیل کر دیے گئے ہیں۔شہریوں کو ہدایت کی گئی ہے کہ وہ سفر کے لیے متبادل سٹیشنز استعمال کریں۔دریائے راوی میں بلند سطح کا پانی داخل ہونے کے خدشات ہیں جس سے مزید سیلابی خطرات پیدا ہو سکتے ہیں۔اونچے درجے کے سیلابی الرٹ کے بعد میٹرو بس سروس کے مزید حصے متاثر ہونے کا بھی امکان ہے ۔
Leave A Comment