فیصل آباد: شہد کی آڑ میں منشیات دبئی اسمگل کرنے کی کوشش ناکام، خاتون گرفتار

فیصل آباد ائیرپورٹ پر شہد کی آڑ میں منشیات دبئی اسمگل کرنے کی کوشش ناکام بنا دی گئی۔ایئرپورٹس سیکیورٹی فورس (اے ایس ایف) نے فیصل آباد ائیرپورٹ سے منشیات اسمگلنگ کی کوشش کرنے والی خاتون اسمگلر کو گرفتار کرلیا ہے۔ دبئی جانے والی ملزمہ نے شہد کی بوتلوں میں ہیروئن چھپا رکھی تھی۔خاتون ملزمہ کا تعلق شاہکوٹ سے بتایا گیا ہے۔ شاہکوٹ کی رہائشی ملزمہ کو گرفتار کر کے مزید قانونی کارروائی کے لیے اینٹی نارکوٹکس فورس کے حوالے کردیا گیا ہے۔