rehber Logo

بھارت کی ریاست مہاراشٹر کے ضلع پالگھر میں ایک بڑی فارماسیوٹیکل کمپنی میں نائٹروجن گیس کے اخراج سے واقعہ پیش آیا، جس میں کم از کم 4 مزدور ہلاک اور 2 زخمی ہوگئے۔ یہ حادثہ پالگھر کے صنعتی علاقے میں واقع میڈلے فارما کمپنی میں پیش آیا۔ مقامی انتظامیہ کے مطابق واقعے کے وقت فیکٹری میں متعدد مزدور کام کر رہے تھے تاہم اس کی حتمی تعداد تاحال واضح نہیں ہو سکی۔پالگھر کے ڈپٹی کلیکٹر  نے بتایا کہ واقعہ نائٹروجن گیس کے اچانک اخراج کے باعث پیش آیا۔ گیس کے اخراج کے بعد فیکٹری کو فوری طور پر بند کر دیا گیا ہے جبکہ امدادی ٹیموں نے زخمیوں کو قریبی ہسپتال منتقل کر دیا ہے جہاں ان کا علاج جاری ہے۔انتظامیہ نے حادثے کی تحقیقات شروع کر دی ہیں تاکہ گیس لیکج کی اصل وجہ کا پتہ لگایا جا سکے۔ دوسری جانب کمپنی کی جانب سے فوری طور پر کوئی بیان جاری نہیں کیا گیا۔