ملک میں سونے کی فی تولہ قیمت بڑھ گئی

سونے کے بھاؤ میں مسلسل کئی روز کمی کے بعد ملک بھر کی صرافہ مارکیٹوں میں آج اضافہ ہوگیا۔آل پاکستان صرافہ جیمز اینڈ جیولرز ایسوسی ایشن کے مطابق ملک میں سونے کی فی تولہ قیمت 300 روپے بڑھی ہے۔ملک میں سونے کی فی تولہ قیمت 3 لاکھ 55 ہزار روپے ہو گئی ہے۔اسی طرح 10 گرام سونے کا بھاؤ 257 روپے کے اضافے سے 3 لاکھ 4 ہزار 355 روپے ہو گیا۔ایسوسی ایشن کے مطابق عالمی بازار میں سونے کا بھاؤ 3 ڈالرز کے اضافے سے 3 ہزار 323 ڈالرز فی اونس ہے۔