رحیم یارخان: اختیارات کاناجائزاستعمال اور کرپشن کے الزامات, برطرف کیئے جانیوالے سب انسپکٹروں کی اپیلیں خارج

ایڈیشنل آئی جی ساؤتھ پنجاب نے اختیارات کاناجائزاستعمال اور کرپشن کے الزامات کے تحت نوکری سے برطرف کیئے جانیوالے سب انسپکٹروں کی اپیلیں خارج کردیں‘کچھ عرصہ قبل کچہ کے تھانوں میں تعینات رہنے والے نویدنوازواہلہ اورسیف اللہ ملہی کوممبرصوبائی اسمبلی ممتازعلی خان چانگ کی نشاندہی پراختیارات کاناجائز استعمال کرنے‘کرپشن اورکچہ کے ڈاکوؤں کے ساتھ مبینہ تعلقات پر نوکری سے برطرف کردیاتھا جس پردونوں سب انسپکٹروں نے ایڈیشنل آئی جی ساؤتھ پنجاب سے نوکری پربحال کرنے کی اپیل کررکھی تھی ایڈیشنل آئی جی نے دونوں سب انسپکٹروں کی اپیلیں خارج کرتے ہوئے انتہائی سخت ریمارکس دیئے ہیں۔

واضح رہے کہ نوکری سے برطرف سب انسپکٹربحالی کیلئے ٹربیونل میں اپیل دائرکرنے کاحق رکھتے ہیں۔