دورہ بنگلہ دیش، ٹی 20 سیریز کیلئے قومی سکواڈ ڈھاکہ پہنچ گیا

پاکستان کرکٹ ٹیم کا دورہ بنگلہ دیش، ٹی ٹونٹی انٹرنیشنل سیریز کے لیے قومی سکواڈ بنگلہ دیش پہنچ گیا۔ قومی سکواڈ دو گروپس میں بنگلہ دیش پہنچا، قومی ٹیم کل آرام کرے گی، پاکستان اور بنگلہ دیش کے درمیان 3 ٹی 20 انٹرنیشنل میچز کھیلے جائیں گے۔پاک بنگلہ ٹی 20 سیریز 20 جولائی کو شروع ہوگی، سیریز کے تینوں میچز شیر بنگلہ سٹیڈیم ڈھاکہ میں کھیلے جائیں گے۔

گزشتہ رات پاکستان کرکٹ ٹیم کے دورہ بنگلادیش کے سلسلے میں قومی سکواڈ کا پہلا دستہ کراچی سے ڈھاکا کیلئے براستہ دبئی روانہ ہوا تھا، پہلے گروپ میں سلمان علی آغا، صائم ایوب، فخر زمان، محمد نواز، ابرار احمد، خوشدل شاہ، فہیم اشرف اور سپورٹ سٹاف شامل تھا۔