کراچی: مویشی بیوپاریوں سے ایک کروڑ روپے لوٹنے میں ملوث 2 پولیس اہلکاروں سمیت 5 ملزمان گرفتار

مویشی بیوپاریوں سے تقریباً ایک کروڑ روپے لوٹنے میں ملوث 2 پولیس اہلکاروں سمیت 5 ملزمان کو گرفتار کر لیا گیا۔ملزمان نے 30 اپریل کو سپرہائی وے پرگاڑی میں سوار 20 بیوپاریوں کو لوٹا تھا، بیوپاری مویشیوں کی خریداری کے لیے میرپور خاص جا رہے تھے۔
ملزمان نے مویشی بیوپاریوں سے تقریباً ایک کروڑ روپے لوٹے تھے جس پر کارروائی کرتے ہوئے پولیس نے واردات میں ملوث 2 پولیس اہلکاروں سمیت 5 ملزمان کو گرفتار کرلیا جب کہ ملزمان سے اسلحہ بھی برآمد کرلیا گیا ہے۔واردات میں مزید 5 ملزمان ملوث تھےجو اب بھی مفرور ہیں۔