غزہ :اسرائیلی فورسز کی جارحیت کا سلسلہ جاری، مزید 109 فلسطینی شہید
غزہ میں اسرائیلی فورسز کی جارحیت کا سلسلہ جاری ہے۔اسرائیلی فورسز کے غزہ میں خونریز حملے تھم نہ سکے۔سکولوں، ہسپتال، امدادی مرکز پر وحشیانہ بمباری میں 24 گھنٹے میں مزید 109 فلسطینی شہید اور متعدد زخمی ہوگئے، مشرقی غزہ کے علاقے میں مختلف سکولوں پر بمباری سے 60 افراد شہید ہوئے، ساحل پر واقع کیفے میں سالگرہ کی تقریب پر بمباری سے ،39 افراد شہید ہوئے۔شہدا میں فلسطینی صحافی اسماعیل ابوحطب بھی شامل ہیں، خاتون صحافی شدید زخمی ہوئی، صیہونی حملوں میں اب تک شہید صحافیوں کی تعداد 228 ہوگئی۔شہدا کی مجموعی تعداد 56 ہزار 626 جبکہ1 لاکھ 34 ہزار سے زائد زخمی ہو چکے ہیں۔
