روس کا کیف پر فضائی حملہ، 14 افراد ہلاک
یوکرین کے دارالحکومت کیف پر روس نے فضائی حملہ کردیا جس کے نتیجے میں 14 افراد ہلاک اور بچوں سمیت 145 زخمی ہوگئے۔یوکرینی حکام کے مطابق روس نے کیف کے علاقے کراماٹورک میں رہائشی اپارٹمنٹ کو نشانہ بنایا جس سے گاڑیوں کو بھی نقصان پہنچا۔روسی حملے کے بعد یوکرینی حکام نے امدادی کارروائیاں شروع کردیں۔ کئی لوگ ملبے تلے دبے ہوئے ہیں۔ صدر زیلنسکی نے روسی حملے کو دہشت گردی قرار دیا۔ان کا کہنا تھا کہ روس نے کیف پر میزائلوں اور ڈرونز سے حملہ کیا جو قابل مذمت ہے۔
