جنوبی کوریا: سیؤل میں ریکارڈ برفباری، 2 افراد ہلاک، 200 پروازیں معطل

جنوبی کوریا کے دارالحکومت سیؤل میں ریکارڈ برفباری کے بعد نظام زندگی مفلوج ہو گیا ہے۔غیر ملکی خبر ایجنسی کے مطابق شدید برفباری سے ٹریفک نظام درہم برہم ہو گیا، بجلی کی فراہمی متاثر ہوئی ہے، 200 سے زائد پروازیں اور 70 فیری سروسز بھی معطل ہو گئیں۔مشرقی ہائی ویز پر ٹریفک حادثات میں 2 افراد ہلاک جبکہ عمارتوں، تعمیراتی سائٹس سے گرنے والے ملبے سے کئی راہ گیر زخمی ہو گئے۔

آئندہ دنوں میں مزید برفباری کے خدشے کے پیشِ نظر الرٹ جاری کر دیا گیا ہے۔جنوبی کوریا کے محکمۂ موسمیات کا کہنا ہے کہ اب تک 18 انچ تک برف پڑ چکی ہے۔سیؤل میں 1907ء کے بعد یہ سب سے زیادہ برف باری ہے۔