طلاق سے دلبرداشتہ شخص نے شہریوں پر گاڑی چڑھا دی، درجنوں ہلاک

چین میں اہلیہ سے طلاق پر دلبرداشتہ شخص نے گاڑی شہریوں پر چڑھادی جس کے باعث 35افراد ہلاک ہوگئے۔غیر ملکی میڈیا کے مطابق یہ حادثہ چینی شہر زوہائی کے سٹیڈیم میں ورزش کرنے والوں کی بڑی تعداد موجود تھی کہ تیز رفتار ایس یو وی گاڑی بیئرر کو توڑے ہوئے سٹیڈیم میں داخل ہوئی اور ورزش میں مشغول افراد کو روند ڈالا، حادثے میں 35 افراد ہلاک اور 43 زخمی ہوگئے جن میں نوعمر اور بزرگ بھی شامل ہیں۔ کار ڈرائیور کی شناخت 62 سالہ فین کے نام سے ہوئی جسے جائے وقوعہ سے فرار ہونے کی کوشش کے دوران پولیس نے تعاقب کرکے حراست میں لے لیا، گرفتار ڈرائیور بھی شدید زخمی ہے جسے علاج کے لیے ہسپتال منتقل کیا گیا ہے۔