پاکستان کو بڑی کامیابی مل گئی، اقوام متحدہ نے 4 قراردادیں منظور کرلیں : دفتر خارجہ

اقوام متحدہ میں پاکستان کو ایک اور کامیابی مل گئی، یو این کی فرسٹ کمیٹی نے پاکستان کی طرف سے پیش کی گئی چار قراردادیں منظورکرلیں۔ اسلام آباد میں ترجمان دفتر خارجہ کا اپنے بیان میں کہنا تھا کہ اقوام متحدہ کی فرسٹ کمیٹی نے پاکستان کی پیش کردہ علاقائی تخفیف اسلحہ، علاقائی اور ذیلی علاقائی تناظر میں اعتماد سازی کے اقدامات پر قرارداد کو منظورکرلیا۔اسی طرح پاکستان کی علاقائی اور ذیلی علاقائی سطح پر روایتی ہتھیاروں پر قابو پانے کی قرارداد بھی منظور کی گئی جبکہ غیر جوہری ریاستوں کو جوہری ہتھیاروں کے استعمال یا استعمال کی دھمکی کے خلاف موثر بین الاقوامی اقدامات کی تکمیل کی قرارداد کو بھی منظور کر لیا گیا۔تمام قرار داد کو پاکستان نے پیش کیا جنہیں من وعن منظور کیا گیا۔