موٹروے ایم 3 پر کوسٹر کو خوفناک حادثہ، 3 خواتین جاں بحق

ننکانہ صاحب میں موٹروے ایم 3 پر ریسٹ ایریا کے قریب کوسٹر کو حادثہ پیش آیا ہے، جس کے نتیجے میں 3 خواتین جاں بحق اور 33 مسافر زخمی ہوگئے۔ موٹر وے ایم 3 پر ننکانہ ریسٹ ایریا کے قریب تیز فتار کوسٹر بے قابو ہو کر مزدا سے ٹکرا کر موٹر وے سے نیچے گرگئی، جس کے نتیجے میں 6 سالہ پچی سمیت 3 خواتین جاں بحق اور 33 مسافر زخمی ہوگیے۔ریسکیو ذرائع کے مطابق زخمیوں میں 6 خواتین اور بچے بھی شامل ہیں، لاشوں اور زخمیوں کو ڈی ایچ کیو اسپتال منتقل کر دیا گیا۔حادثہ تیز رفتاری کے باعث پیش آیا، حادثے کا شکار کوسٹر CAF 5653 ملتان سے لاہور سیالکوٹ جارہی تھی۔حادثے کی اطلاع ملتے ہی ریسکیو1122 کے عملے نے جائے حادثہ پر پہنچ کر شدید زخمی ہونے والی خواتین سمیت 18 مسافروں کو ڈی ایچ کیو اسپتال منتقل کیا جبکہ 15 مسافر معمولی زخمی ہوئے۔موٹروے حادثے میں جاں بحق خواتین کی شناخت 35 سالہ نبیلہ، 35 سالہ شاہدہ بی بی اور 6 سالہ نورین فاطمہ کے نام سے ہوئی ہے۔