رحیم یار خان: بھائی کو ڈرانے کیلئے خودکشی کا ڈرامہ، دونوں بھائی جل گئے

رحیم یار خان میں جائیداد کے تنازع پر 2 بھائیوں کا جھگڑا ہوا تو اس دوران ایک نے خود کو پیٹرول چھڑک کر جلا لیا۔پولیس کے مطابق آگ نے دوسرے بھائی کو بھی لپیٹ میں لے لیا، ایک بھائی 70 فیصد اور دوسرا 30 فیصد جھلس گیا۔پولیس کا کہنا ہے کہ ایک بھائی نے لوگوں کا قرضہ دینا تھا اور قرض دینے والے ساتھ آئے تھے، خود کو آگ لگانے والا اپنے بھائی کو ڈرانے کے لیے خودکشی کا ڈرامہ کر رہا تھا۔پولیس نے مقروض بھائی کے ساتھ آنے والے 2 افراد کو گرفتار کر کے مقدمہ درج کر لیا ہے۔