اسلام آباد اور کے پی سے فتنۃ الخوارج کے 6 دہشت گرد گرفتار

سیکیورٹی ادارے اور سی ٹی ڈی نے اسلام آباد میں بڑی کارروائی کرتے ہوئے فتنۃ الخوارج کے 6 دہشت گردوں کو گرفتار کرلیا۔ذرائع نے بتایا کہ الخوارج گروہ کے دہشت گردوں کواسلام آباد اور خیبر پختونخوا سے گرفتار کیا گیا۔ ملزمان کے قبضے سے بارودی مواد بھی برآمد کیا گیا ہے۔ دہشت گرد نور ولی محسود گروپ سے رابطے میں تھے۔ دریں اثنا ذرائع کے مطابق اسلام آباد سے گرفتار کیے جانے والےک دہشت گرد کی نشاندہی پر سوات میں بھی گرفتاریوں کے لیے آپریشن کیا گیا ہے۔