rehber Logo

راولپنڈی کی انسداد دہشت گردی کی عدالت نے جی ایچ کیو حملہ کیس میں  پی ٹی آئی کے رہنما عمر ایوب کی بریت کی درخواست پر فیصلہ محفوظ کر لیا۔جی ایچ کیو حملہ کیس میں عمر ایوب کی بریت کی درخواست پر اے ٹی سی کے جج امجد علی شاہ نے سماعت کی۔عمر ایوب کی بریت کی درخواست پر پبلک پراسیکیوٹر ظہیر شاہ نے دلائل دیتے ہوئے کہا ہے کہ شیخ رشید، شیریں مزاری اور عمر تنویر کی بریت کی درخواست خارج ہے، عمر ایوب کی بریت کی درخواست کو بھی خارج کیا جائے۔پبلک پراسیکیوٹر نے کہا کہ عمر ایوب عمر تنویر بٹ، واثق قیوم اور صداقت عباسی کے اقبالی بیان میں نامزد ہیں، جب تک یہ شہادت کورٹ میں پیش نہیں کی جاتی عدالت بریت فیصلہ نہ دے، ملزم نے کہا کہ سرگودھا کی انسداد دہشت گردی کی عدالت نے ان کو بری کر دیا ہے، اے ٹی سی کے فیصلے کو ہائی کورٹ راولپنڈی بینچ میں چیلنج کیا گیا۔

عدالت نے فریقین کے دلائل سننے کے بعد فیصلہ محفوظ کر لیا۔