ایمریٹس ایئرلائن کی بیروت کیلئے پروازوں کی معطلی میں 2025ء تک توسیع

ایمرٹس ایئرلائن نے بیروت کیلئے پروازوں کی معطلی میں 2025ء تک توسیع کر دی۔ مقامی میڈیا کی رپورٹ کے مطابق ایمریٹس ایئر لائن نے اسرائیل کے بیروت پر حملوں کے پیش نظر بیروت کے لئے اپنی معطل کردہ پروازوں کو بحال کرنے کے بجائے اگلے سال تک معطل رکھنے کا فیصلہ کیا ہے۔

واضح رہے کہ ایمریٹس دنیا بھر کے طویل ترین فضائی روٹس پر سفری سہولیات فراہم کرنے والی فضائی کمپنی ہے، اس نے اپنی ویب سائٹ پر تصدیق کی ہے کہ لبنانی دارالحکومت کے لئے اس کی پروازیں اب مزید کئی ہفتے تک معطل رہیں گی، معطلی کا یہ دورانیہ 31 دسمبر 2024ء تک جاری رہے گا۔ویب سائٹ پر جاری کردہ بیان کے مطابق فلائٹ منسوخی سے متاثر ہونے والے صارفین کو متبادل سفری آپشنز کے لئے اپنے بکنگ ایجنٹس سے رابطہ کرنا چاہئے، اگر یہ بکنگ براہ راست ایمریٹس سے کرائی ہیں تو ایمریٹس کے ساتھ براہ راست رابطہ کر سکتے ہیں۔