rehber Logo

چیمپئنز ٹرافی کی میزبانی کے معاملے پر انٹرنیشنل کرکٹ کونسل (آئی سی سی) کی بورڈ میٹنگ آج دوبارہ ہوگی تاہم ابھی تک وقت طے نہیں ہوا۔ ذرائع کا کہنا ہے کہ پاکستان نے گزشتہ روز کی میٹنگ کے بعد مختلف اسٹیک ہولڈرز سے رابطے کیے ہیں۔ پاکستان کے مؤقف میں کوئی تبدیلی نہیں آئی ہے۔ذرائع نے بتایا کہ پاکستان نے کہا ہے کہ آئی سی سی ہی معقول اور قابل عمل فارمولا دے گا تو بات بڑھے گی۔پاکستان نے آئی سی سی کو مؤقف دے دیا، اس کے مطابق کوئی حل نکلے گا تو پاکستان قبول کرے گا۔

واضح رہے کہ گزشتہ روز آئی سی سی چیمپئنز ٹرافی کے مستقبل پر غور کے لیے بلایا جانے والا آئی سی سی کا بورڈ اجلاس 15 منٹ بعد ملتوی کر دیا گیا تھا۔اجلاس میں اتفاق کیا گیا تھا کہ پاکستان اور بھارت آئی سی سی کے ساتھ مل کر ایونٹ کے لیے ایک قابل قبول آپشن تلاش کریں گے۔