سکیورٹی فورسز کی خیبرپختونخوا میں 2 مختلف کارروائیاں، 3 خوارجی جہنم واصل

پاک فوج کے شعبہ تعلقات عامہ کے مطابق سکیورٹی فورسز نے خیبر پختونخوا میں 2 الگ الگ آپریشنز کے دوران 3 خوارجیوں کو جہنم واصل کر دیا۔

آئی ایس پی آر کے مطابق ضلع خیبر کے علاقہ باڑہ میں خفیہ اطلاع کی بنیاد پر کارروائی کی گئی، فائرنگ کے تبادلے میں حق یار آفریدی عرف خیبرے اور گل جان جہنم واصل ہو گئے۔ سکیورٹی فورسز نے جنوبی وزیرستان میں دہشت گردوں کی دراندازی کی کوشش کو ناکام بنا دیا۔سکیورٹی فورسز کی کارروائی میں ایک خارجی ہلاک اور 3 زخمی ہوگئے۔سکیورٹی فورسز دہشت گردی کے خاتمے اور سرحدوں کے تحفظ کیلئے پُرعزم ہیں۔