پرتھ ٹیسٹ: بھارت کیخلاف آسٹریلوی ٹیم 104 رنز بنا کر آؤٹ

پرتھ میں کھیلے جا رہے پہلے ٹیسٹ میچ کے دوسرے دن بھارت کے خلاف آسٹریلیا کی ٹیم 104 رنز بنا کر آؤٹ ہو گئی۔بھارت کی ٹیم کو پہلی اننگز میں 46 رنز کی برتری حاصل ہو گئی۔آسٹریلیا کی تمام وکٹیں فاسٹ بولرز نے حاصل کیں، جسپریت بمرا نے 5 کھلاڑیوں کو آؤٹ کیا، ہرشت رانا نے 3 اور محمد سراج نے 2 وکٹیں حاصل کیں۔

پرتھ میں بھارتی ٹیم پہلے بیٹنگ کرتے ہوئے 150 رنز پر آؤٹ ہو گئی تھی۔ بھارت کے 7 کھلاڑی ڈبل فیگر میں بھی نہیں جا سکے تھے، نتش کمار 41، رشبھ پنت 37 اور کے ایل راہول 26 رنز کے ساتھ نمایاں رہے تھے۔جوش ہیزل ووڈ نے 4 کھلاڑیوں کو آؤٹ کیا تھا جبکہ مچل اسٹارک، پیٹ کمنز اور مچل مارش نے 2، 2 وکٹیں حاصل کی تھیں۔