بھارت اور آسٹریلیا کے ٹیسٹ میچ کے پہلے دن 17 وکٹیں گر گئیں

بھارت اور آسٹریلیا کے درمیان پہلے ٹیسٹ میچ کے پہلے دن 17 وکٹیں گر گئیں۔پرتھ میں بھارتی ٹیم پہلے بیٹنگ کرتے ہوئے 150 رنز پر آؤٹ ہو گئی۔ بھارت کے 7 کھلاڑی ڈبل فیگر میں بھی نہ جا سکے۔ نتش کمار 41 ، رشبھ پنت 37 اور کے ایل راہول 26 رنز کے ساتھ نمایاں رہے۔بھارت کی تمام وکٹیں فاسٹ بولرز نے حاصل کیں، جوش ہیزل ووڈ نے 4 کھلاڑیوں کو آؤٹ کیا۔

بعد ازاں کھیل کے اختتام پر آسٹریلیا نے 7 کھلاڑیوں کے نقصان پر 67 رنز اسکور کیے۔ ایلکس کیری سب سے زیادہ 19 رنز بنا کر ناٹ آؤٹ ہیں۔بھارت کے جسپریت بھمرا نے 4، محمد سراج نے 2 اور ہرشیت رانا نے ایک کھلاڑی کو آؤٹ کیا۔